හැඟීම නොව බුද්ධිය අමතමු
රංග ජයවර්ධන නම්වු පට්ට ආගම්බේධ වාදියා විසින් පවත්වාගෙන යන සිංහල බෞද්ධයා වෙබ් අඩවියේ පූජ්ය උපුල්වෙහෙරේ ධම්මවංස හිමි නම් භික්ෂුවකගේ ලිපියක් පලකොට තිබුණේ ඊට රංග ජයවර්ධනගේ නම සඳහන් මුස්ලිම් විරෝධී ඡායාරූපයක්ද එක් කරමිනි. ඔබගේ දැනගැන්ම සඳහා මම ඒ ඡායාරූපයද මෙම ලිපියේ පහත පලකරමි. එම ඡායාරූපය තුල අල්-කුර්ආන වැකියක අංකයද සඳහන්ව ඇත. ඒ පදයේ නිවැරදි අරුත ඔබගේ දැනගැන්ම උදෙසා පහත ඉදිරිපත් කරමින් එයට හේතුභූත වු පසුබිමද පහත දක්වමි.
මුස්ලිම්වරු නිදිද?
දූක් ගැහැට වලට ලක්වීම හා අර්බූදයනට මුහුණ දීම මුස්ලිම් අපට අළුත් දෙයක් නොවේ. අල්ලාහ් විටින් විට උන්වහන්සේගේ ගැත්තන් නානා මාදිලියේ හා උන්වහන්සේට රිසි පරිදි වන පරීක්ෂණයන්ට ලක් කිරීම නිතර සිදූ කරන බවද අප දනිමු. ඇත්තටම මෙලොවදී අප ගත කරන ජීවිතයම අපට පරීක්ෂණයකි. මෙම පරීක්ෂණයන්ද අල්ලාහ් අප හා සමග කථා කරන එක් මාධ්යයකි. එය නිසි පරිදි වටහා ගැනීමට අප වහී හෙවත් දේව අනාවරණය පිලිබඳව හා එහි පසුබිම ගැන යම් ප්රමාණයක වැටහීමක් තිබිය යුතුය. එසේ නොමැති විට නොයෙක් ව්යාකූලතා හටගත හැක. අල්ලාහ්ගේ ධර්මය වෙනුවෙන් සේවය කරන විට හා එහි වගකීම් උසුලන විටද අපට අපහසුතා ඇතිවිය හැක. එසේම එයට පටහැනි ජීවිතයක් ගත කරන විටද මිනිසාට දූෂ්කරතා ඇති වනු ඇත. මේ සියල්ල අල්ලාහ් අප සමග කතා කරන අවස්ථාවන් බව වටහා ගෙන ඒ අනුව අප ප්රතිචාර දැක්විය යුතුය. නොහොත් අපගේ ක්රියා කලාපයන් වෙනස් කර ගත යුතුය.
රාජා ඇතා
මොනර කොලය නමින් හඳුන්වන රුපියල් දහසේ නෝට්ටුවේ ඉදිරිපස මුද්රණය කර ඇති හස්ති රාජයා සහ ඒ අසලින් හිස් වැස්මක් පැලඳ සිටින මිනිසා පිළිබඳව අපූර්ව වු කතා පුවතක් ගෙතී ඇති බව ඔබ දැන සිටියාද? එහි සිටින ඇතා සහ එම හිස් වැස්මක් පැලඳ සිටින මිනිසා යන දෙදෙනාම නැගෙනහිර පලාතේ බව සහ එම මිනිසා මුස්ලිම් ජාතිකයෙක් බව ඔබ දැන සිටියාද?
පරිශුද්ධවු අල්-කුර්ආනය මුහම්මද් නබි (එතුමන්ට අල්ලාහ්ගේ ක්ෂාන්තිය සහ සමාදානය අත්වේවා) තුමාණන් ජීවතුන් අතර සිටියදී ග්රන්ථාරූඪ කිරීමේ අවශ්යතාවයක් නොතිබීමට හේතුන් වුයේ මුලික වශයෙන් ශුද්ධවු අල්-කුර්ආනය සම්පුර්ණයෙන්ම අපගේ ශාස්තෘවරයාණන් වන නබි (එතුමන්ට අල්ලාහ්ගේ ක්ෂාන්තිය සහ සමාදානය අත්වේවා) තුමාණන් හට දේවානුභාවය කරණකොටගෙන කටපාඩම්ව තිබීම වන අතර, ඊට අමතරව එතුමාණන් විසින් එතුමාණන්ගේ සහගාමීන් බොහෝ දෙනෙකුද අල්-කුර්ආනය වනපොත් කර ඇත. එමනිසා අල්-කුර්ආනය ග්රන්ථාරූඪ කිරීමේ අවශ්යතාවයක් එම යුගයේ නොතිබුණි.
ඉස්ලාම් සහ සත්ත්ව කරුණාව
මේ මිහිතලයේ භාරකාරයෙකු ලෙස හා පාලකයෙකු ලෙස මිනිසා ක්රියා කරන බව අප අවට සිදුවන දෑ නිරීක්ෂණය කිරීමෙන් පමණකින්ම නිගමනය කළහැකි සත්යයක් බවට පත්ව ඇත. අන් කිසිම ජීවියෙකුට මෙම සුවිශේෂී හැකියාව ඇති බව දකින්නට නොමැත. මිනිසා වනාහී ලොව පවතින්නාවු අන් සියළුම ජීවීන්, පරිසරය, හා එහි අඩංගු දෑ පාලනය කරන, වෙනස්කරන, හා පරිහරණය කරන අයෙකු ලෙස දැක්වීම ඉතාමත්ම නිවැරදි මතයක් යැයි අපි සිතන්නෙමු.
අල්ලාහ් පිළිබඳව හැදින්වීමක්
අල්ලාහ් යන අරාබි වචනයෙහි සිංහල අරුත දෙවිඳුන් ය. එහෙත් ලොව පුරා මුස්ලිම් බැතිමතුන් තම භාෂාවෙන් දෙවිඳුන් යැයි නොපවසා අරාබි බසින් අල්ලාහ් යැයි පවසති. එයට හේතුව කිමෙක්ද? ඒ ගැන අප මදක් විමසා බලමු. ඓතිහාසිකවම ඉතා පොහොසත් ඉපැරණි භාෂාවක් වන අරාබි බසෙහි සෑම වචනයකටම ලිංග බේධ, ඒක වචන සහ බහු වචන තිබුණද අල්ලාහ් යන අරාබි වචනයට ලිංග බේධයක් හෝ බහු වචනයක් නොමැත. අල්ලාහ් යන වචනය පුරුෂ ලිංග, ස්ත්රී ලිංග හෝ නපුංසක ලිංග ගණයට අයත් වන්නේද නැත. මෙය ඒක වචනයට පමණක් යොදා ගත හැකි, බහු වචනයක් කළ නොහැකි සුවිශේෂී ලක්ෂණ වලින් යුතු වචනයකි.